NHETEMBO/POETRY

UCHI KUTAPIRA
     NaRumbidzai Mubirira    
 

---

                            
Regai ndizvireve hangu                                  

Kwenyuwo mugozviedza                                               

Idi muchazvionera pamhuno sefodya
manhanga kutapira kani!                                

Haazi manyepo bodo.
                                                          

Pandodanwa kutamba chevakuru chikudo
Ini tana kuramba nhema
kusi kwemoyo iriyo ngoma yandorwarira.

Ndakagukuchira gwande rehuchi,
sango ndakaveura
ndakasiya kakusvibira kachionekera
handingazosiyi uri musvuu,                    

Handisi chananana ini.

Uhwu huchi hwegonera
ndinoitira riya zishato
Paya parinotsvaga zvinoda moyo waro
Risafamba pamutserendende
paya poromhumhudzira
parinoti nyaaa mumwena
uya uri mukati pamupata,
hapana anoriona chero rikati nyaa ,dzokono dongo
nyaa dzokono dongo
                   
Amai hwe-e uyu uchi kutapira                     

Yochishinyira nhaimi,                       

Eheka matii madii henyu?
Muziiiipo!                 

Handisati ndatanga kani!                            

Ndochipuruzira zvinyoro nyoro         

Wanike hiii yochigwinha-gwinha
Gotsi ndiye papata,
Nerute tapa-tapa
Uchi kutapira.
                       

 #DZEMUGUDZA#